Normas de seguridade

REGRAS BÁSICAS E PRECAUCIÓNS

O arco e a frecha non son xoguetes, son armas perigosas se se usan mal.
A regra máis obvia. Non apuntes co arco a unha persoa, un ser vivo ou calqueira obxeto que se poida romper.
Cando che den o arco, comproba que as palas non teñan grietas e que a corda non ten fíos rotos. En caso de dúbida consulta co monitor.
Usa sempre protector de brazo para evitar golpes. Evita tirar con roupa solta, pode engancharse a corda do arco e producir lesións ou deteriorar a roupa.
Non debes poñer a frecha no arco mentras non estés na liña de tiro e se dera o sinal para comezar o tiro. O monitor dará dous pitidos. Iso significa que está todo ben na liña de dianas e se pode poñer a frecha no arco.
Coa frecha colocada na corda, apuntar sempre á diana, nunca a outro lugar. Soltar a frecha cando o monitor indique que se pode tirar cun pitido.
Se a frecha ou calquera outro elemento do teu equipo cae diante da liña de tiro, non te adiantes a recollelo. Espera a que o monitor de a orde de ir a recoller (tres pitidos).
Cando tires tódalas túas frechas, debes retirarte da liña de tiro para que o monitor saiba quen rematou e quen non.
Soamente cando todos rematen de disparar as súas frechas, o monitor dará a orde de ir ás dianas a recoller as frechas.
Se unha frecha ou calquera outra parte do equipo cae ao chan na liña de tiro ou máis adiante, só se recollerán cando se parara o tiro.
Vai andando a recoller as túas frechas. NON CORRAS.
Ao aire libre vai mirando ó chan, mentras avanzas ás dianas. Pode haber frechas clavadas no chan. Sempre sacar as frechas na dirección contraria á que entraron na terra, para non torcelas nin rompelas.
Colocarse sempre ao lado da diana para evitar clavar accidentalmente os culatíns das que xa están clavadas no parapeto.
Só unha persoa á vez debe sacar as frechas da diana.
Cando saques as frechas da diana, comproba que non hai outra persoa no recorrido de saída da frecha. Sacar as frechas require certa forza e ao sacala forte, pode ir cara atrás e golpear a outra persoa.
Hai que axudar a outros compañeiros/as a busca-las frechas que están fora da diana, sobre todo ao aire libre.
Cando leves frechas, se as levas na man pon SEMPRE as puntas cara abaixo e se as levas no carcaj, NON CORRAS.
Confirmar ao volver á liña de tiro que non queda ninguén na liña de dianas ou no camiño, antes de dar o sinal para seguir tirando.
Se calquera persoa ou animal entra na zona de tiro, darase o sinal de emerxencia e débese parar o tiro inmediatamente.
Se isto ocorrera, anque estés co arco aberto, non se debe tirar a frecha. Débese apuntar cara abaixo, destensar a corda e retirar a frecha ata que se resolva o problema.
Comproba que as frechas non estén rotas dobrándoas suavemente agarrándoa polos extremos, as de carbono poden ter astillas que se claven na man.
Monta a corda axudándote dun montador e seguindo as instruccións do monitor. Comproba que as gazas están en bo estado e a corda ben metida nos “tips” antes de retirar o montador.
Comproba que o culatín da frecha está correctamente encaixado na corda. Evitarás tiros en baleiro e posibles golpeos da corda no brazo.

Calquera que non siga as normas de seguridade, ponse en perigo a sí mesmo e aos demáis e debe abandoar o campo de tiro.

Bibliografia.- Kidbow archery
Easton foundation
Recurve bow Guide